ده شعر ظريف و خفيف
الفول بيقول
انا لك على طول
بس انت تقول انا عايز فول
تلاقيه في العز
وفي الازمات
من غير طوابير من غير خناقات
من غير دنانير
من غير دولارات
وعيالك وانت وكله يبات
متهني وراضي بنين وبنات
بس انت تقول انا عايز فول
والفول بيقول:
الفول ده صديق
والفول ده جرئ
وبيفتح جوه المعدة طريق
ويهد قلوع جوه المفجوع
ويسد الجوع يمكن اسبوع
ويعدي ولو في 200مشروع
بس انت تفكر في الموضوع
وبسرعة تقول انا عاوز فول
والفول بيقول:
من غيري ياصحبي حتعمل ايه؟!
حتقولي انا حافطر شاي وباتيه!
واتغدى كباب واتعشى فليه
طب بكره يا صحبي حتعمل ايه؟
طب بعده ازاي تتصرف فيه
ده الفول يستاهل حمد عليه
ادعيله يا شيخ ربي يخليه